الحكومة تراقب المدونات !
للأسف اني بطّلت بسبب مشاغل الدنيا، لكن لا قريت مانشيتات جذي تحكني ايدي !
يا سلام سلّم .. كل مشاكل الكويت انتهت، لا في حرب محتمله على ايران ولا في صندوق معسرين لاعن والدين المواطنين ولا في قضايا شائكه ولا في رياضه بتتوقف ولا في بورصه ملعون "خيرها الخير" !
خلاص خلصت كل مشاكل الكويت وكل مشاكل وزارة المواصلات.. باقي عندهم "قليلين الأدب" المدونيين !
لوعتوا جبودنا يا حكومتنا كل شي واحد فيكم مصرّح المدونات تحت المراقبه، نرصد جميع التحركات .. ياويله اللي يخوره !
بس باقي ادارة بأمن الدوله ادارة مراقبة المدونين ؟
وفتحوا لنا ملفات وراقبونا ؟!
المواطن الكويتي "الصح" يا حكومتنا الرشيده ما "يغلط" المواطن الكويتي "الصح" مع فتح الصاد وسكون على الحاء دستوره منه فيه وادبه منه وفيه وعارف حدوده !
يخاف على مصلحة ديرته ولا شافكم "تخنبقون" بينتقدكم الله عطانا مجال للحريه بالكويت ولله الحمد ومحسودين عليه، اما بتسوولي مراقبله وزوار ليل؟
اللي بتراقبينهم يا حكومه انتي اللي جايبتهم لتعدييل التركيبه السكانيه آنذاك نسأل اصلاً مثل ماقال الشاعر "من جاب هذا الاجنبي لبلادي؟ من وقع الفيزا وخط كتابه؟" بالأخير يقول الشاعر " لا تلعنه .. العن ابو اللي جابه " !
وصلت؟
-----------------
للامان العلميه والنقل .. تم نقل الكلام من مدونتي المفضله ( يقولون)
------------------
