بدون تعليق NO COMMENT
-------------------------------
الكل يقول ان للياقه عمر .. بس طبعا هذا الكلام ينطبق علينا احنا يا العرب !!
احنا خلف الله علينا بس نصير بالثلاثينات يصير فينا دسك !!
ندش الاربعين يطلع فينا ضغط وسكر !!!
نوصل الخمسين يصير فينا هشاشه عظام !!
نوصل الستين الركبه رايحه فيها موليه ونمشي والركبه اتطقطق والظهر رايح فيها ويالله نمشي خطوتين !!
كل هذا بسبب قلة الحركه والعيز وما عندنا شي اسمه رياضه !!
واذا قلنا بنسوي رياضه نهب فيها يومين
(يعني اسكت الحين صرت من رواد الرياضه)
ونقط جم فلس على النوادي الرياضيه
وبعدها بجم يوم تملون وتقولون الكلمه المشهورة " مالي خلق " !!
اي هذي الكلمه الي خلتنا نصير جذي !!
شوفوا الاجانب عيايزهم نشيطين لان حياتهم اليوميه عبارة عن
(رياضه x رياضه)
اصلا يظلون شباب لين يوصل عمرهم الــ70 سنه واكثر
مو مصدقيني صح :s
هذا دليل على كلامي
-
-
-
-
-
-
-
-
-
هذي ام السفير البريطاني في البحرين عمرها 81 سنه
قاعده تتسلق مبنى في المنامة في حملة خيريه التي تنظمها الخطوط الجوية البريطانية.
ماشاءالله عليها الصراحه عيني عليها بارده
الشباب الي عندنا و بعمر احفادها ما يقدرون يسوون الي قاعده تسويه هالعيوز !!
(يحليلها)
ما اقول إلا
خلف الله علينا وعلى امهاتنا ويداتنا !!
ليست هناك تعليقات:
إرسال تعليق